جزاكي الله خيرا فعلا فكرتك حلوة اوي انا عن نفسي رمضان الي قبل الي فات مريت بظروف صعبة كان ممكن ممسكش المصحف ولاكن ختمت المصحف مرة ومن هنا صممت السنة الي بعدها اني اختم المصحف اكثر من مرة وده لأن الظروف الي كانت موجودة خلصت فالحمد لله ختمته ثلاث مرات اما السنة دي اتمني ان اختمة اكثر من ذالك

جزاكى الله خير بجد موضوع جميل اذكر قبل رمضان من حوالى 5 سنوات انى ارتديت النقاب كان فى شعبان وذهبت للمنزل بالنقاب ولم يتعرف الى احد لانى ماقولتلهم بعدها تانى يوم امى وابى مرضيوش انى البسه وقلعونى النقاب اذكر بعدها جائتنى الصفرة ومافيش دكتور كان عارف يشخص حالتى ربنا يعفينا كانت حالتى سيئة جدا وكانت نسبتها عالية والحمد لله ربنا اكرمنى بدكتورشخص حالتى صح وقعدت شهرين فى الفراش ممنوعة من الحركة واى نوع من الاكل والدكتور قال لماما انى فى حاجة تعبة نفسيتى شوفى ايه واعمليها لها انا قولتلها النقاب انتى قلعتهولى واليوم اشتريه لى من مالك الخاص قالتلى اصحى وقومى بالسلامة وانا اجيبوالكى ولبسته يوم حد قبل رمضان باسبوع واحد وانا اعتبرت رمضان ده شهر انا ولدت فيه من جديد والحمد لله وكل رمضان بشكر ربنا انه هدانى وده دين ربنا لى وعمرى مش هعرف اسدده واشكرك لفكرتك الجميلة دى

جزاك الله خيرا...طبعا رمضان بيقى بداية جميلة بالنسبة ليا خصوصا انى الحمد لله كل رمضان بحاول انى اغير صفة وحشة فيا ..يعنى مثلا مكنتش منتظمة فى الصلاة رمضان هو اكتر شهر حببنى فى الصلاة وبعد كده انتظمت فيها جدا الحمد لله..رمضان خلانى مكدبش بعدنى عن الكدب خالص ومبقتش بحب الكدب ومش بكدب الحمد لله...وطبعا الصفة الى كانت فظيعة بالنسبة ليا وهى خصلة سيئة جدا "النميمة"ودى كانت ممكن تكون كانت اكبر الوسائل فى البعد بينى وبين ربنا ولكن بفضل الله بدات واحدة واحدة اتخلص منها وده عن طريق انى بعدت عن اصدقائى يعنى مش سبتهم خالص ولكن حددنا العلاقة لان والله والله اصحابك لو مكنوش زيك ومعندهمش نفس فكرك طبيعى جدا ممكن يجروكى للنميمة وانتى مش حاسة وحصلت معايا كتيييييير جدا ربنا يحفظنا يارب.. وطبعا موضوع قراءة القرآن انا كنت بختمه مرة واحدة ولكن رمضان ده قررت انى ان شاء الله هحاول انى على الاقل انى اختم الققرآن ثلاثة مرات...الفضل فى كل ده طبعا يرجع الى ربى الكريم الى الهمنى الصفات دى وقدرنى انى اتخلص منها اما الفضل التانى فيرجع للاستاذ مصطفى حسنى والله استاذ مصطفى غير فيا حاجات كتييييييييير جدا والله العظيم كل برنامج للاستاذ فى رمضان بغير فيا صفة جديدة بس احسن حاجة اكتسبتها انى اتعلمت يعنى ايه احب ربى ويعنى ايه اناجيه واتكلم معاه بكل صراحة ويعنى ايه اخشع مع حضرته فى الصلاة الحمد لله الحمد لله الحمد لله..اسفة طولت عليكوا سمحينى بس حبيت اشارككوا فى احساسى وفى التغيرات الى مرات بيها.
وبشكرك يا جدا موضوع جميييييييييل اوى اوى.