بسم الله الرحمن الرحيم
السلام عليكم ورحمه الله وبركاته
اذيكم يابنات عاملين ايه؟
انا كنت عايزه افضفض معاكو......... انا بجد مخنوقه اوي وحاسه اني قلبي واجعني
انا عندي واحده صحبتي عرفتها في منتدي لما غبت فتره ورجعت لقتها مبهدله الدنيا وكانت خايفه عليه اوي
ورغم اني غبت فتره طويله حوال 4 اشهر لكن لما رجعت لقتها بعتالي اخر رساله من اسبوعين رغم الفتره دي كلها عندها امل اني هاجي وجيت وحسيت بكل واحده اد ايه هي مشتقالي
المشكله اني حبتها اوي ومش بس حبتها انا بقيت مجنونه بيها رغم فرق السن هي اصغر مني 8 سنين
من كام يوم طلبت مني طلب ماكنتش اتوقعه طلبت انها تبعتلي صورتها وانا اقولها مميزاتها وعيوبها!!!!!!!!
انا استغربت هي عمرها ماشفتني ولا تعرفني ولا حتي سمعت صوتي اذاي واثقه فيه كل الثقه دي؟
انا بجد صريحه معاها ويعلم ربنا اني بحبها بجد واكتر من اي صديقه اعرفها من زمان
المهم انا رفضت وقلتلها انتي اذاي تثقي في اي حد كده انتي ممكن تجيبي لنفسك مشاكل وانتي لسه صغيره اسمعي كلامي
انا بجد خايفه عليكي وخلاص قالتلي لا انا خلاص بجد مش هبعتها ده علي سبيل انها كانت بتهزر
والنهارده طلبت مني نفس الطلب
وبصراحه قولتلها انتي ليه مصره والكلام اللي قولته اللي فات
بس هي زعلت مني وانا اكتر حاجه توجعني لما حد احبه اوي يزعل مني
المشكله اني خايفه عليها مش من نفسي لا خايفه عليها بعد كده ممكن تعرف حد ويضحك عليها وسمعنا حكيات من دي كتير
وبصراحه خايفه ماتطلعش بنت............... انا مش قدره اتخيل ....... انا بجد هتحصلي حاجه انا بجد تعبانه اوي وحاسه اني من غيرها ولا حاجه انا بحبها اوي
ارجوكم قولولي اعمل ايه انا منهاره حاسه بقلبي واجعني بجد
هو انا مجنونه؟ اني حبيت صحبتي الحب ده كله واني خايفه عليه..........
بنات بجد محتاجلها اوي دي بنسبالي حياتي
اعمل ايه قولولي اتصرف معاها اذاي هوانا غلطت لما ما رضتش؟
ارجوكو هتجنن حد يجاوبني

والله اختى انا مش عارفة اقولك ايه
هو طبعا اصحاب المنتدى احلى اصحاب وجمال جدااااااا وانا بحبهم اوىى اذا كان هنا او منتدى الموقع بس انا مش فاهم ايه سبب كل خوفك مش معقول تطلع ولد متخيلش حاجة زى دى ممكن تحصل وفى النهاية هو القرار ليكى انا بالنسبالى كنت اعرف بنات على منتدى الموقع وما زلت اعرفهم بس بكلمهم على الموبايل لان احنا الاتنين بنثق فى بعض والمفروض اننا اصحاب لان ازاى نبقى اصحاب ومبنثقش فىلا بعض لاننا بنحب بعض بجد فى الله فا انتى لو شايفة ان ده بالنسبالك مينفعش حاولى تفهميها وجهة نظرك وانا شايفة ان الحوار فى الموضوع ده بيختلف من شخص للاخر هى ممكن يكون بالنسبلها عادى وانتى لا فا المفروض ان هى بتتقبل ده لان دى حاجت مفيهاش هزار انا لو واحدة صحبتى طلبت منها ده وهى رفضت انا مش هزعل على الاطلاق على الفكرة لانها بتختلف من شخص للاخر فا انتى حاولى تفهميها ده انتى ممكن تكونى جوحتيها لما قولتيلها انتى ازاى بتثقى حد متعرفيهوش بس حاولى تعرفيها انك قولتيلها ده خوف عليها ومدام انتى مش مرتاحة لحاجة زى دى يبقى فهميها وجهة نظرك تمام وهى لو بتحبك زى ما انتى بتحبيها هتفهمك وربنا ما يفرقكم يااارب وتفضوا اصحاب طول العمر ان شاء الله وتتجمعوا تحت ظل الرحمن يوم لا ظل الا ظله متزعليش نفسك حبيبتى توكلى على الله وارفضى مدام مش واثقة

السلام عليكم كيفك اختى
اكيد انت في موقف صعب بس لازم تتعدي هذا الموقف واعرفي اختى الكريمة مش كل شئ بيتصدق ع النت انا مش ضد التعارف في المنتدياات الاسلامية ولكن في شروط لانو الواحد مبيعرفش الي بيقابلو زي ماهو شايفو وعارف حقيقتو وعارف شخصياه انا بنصحك اختى حبيبتي ما تقبلي منها ولا صورة وانت ما تبعتيش ليها اي صصورة ليكي حذري اختي كتير من الفتيات وقعوا في متل هذه المشاكلسواء التعارف مع بنات او شباب لانو لو كانت بنت يمكن تاخد صورتك وتعرضها على شباب احذري اختي وحاولي انك ما تكلمهاش كتير خوفا من انك تقعي في حب التعلق ومصائبه بردو حبيبتي ادعي ربنا كتير يكون معك وييسرلك امرك والله انا بحب انصح اخواتى في مثل هثا الموضوع لانو ليس بهين وسهل بل اغلب المصائب والمشاكل تكون بسببه تقبلي ردي

شكرا حبيباتي علي الرد وان شاء الله هعمل بنصيحتكم بأذن الله جزاكم الله كل خير

لا اله الا الله حبيبة قلبي انتى ليه قالقه نفسك كده
انا عاوزة بس اعرف ايه اسم او موضوع المنتدى اللي انتى اتصاحبتى عليها فيه لان اي نعم بيكون في بنات او غير بنات مش كويسين بس اهم خاجه تنقي المصدر اللى هتصاحبي منه البنت دى
يعنى مثلا منتدى زى اللى احنا فيه ده الحمدلله لا يمكن تلاقي بنت مش كويسه في اخلاقها مع اصحابها وحبها ليهم ..........انتى بس اهم حاجه تعمليها تدعر ربنا ف صلاتك ان البنت دى تكون كويسه وقوليلها انا هتفق معاكى اتفاق ...انك متورنيش صورتك دلوقتى تعالى نتعرف ع بعض اكتر وده اللى تعمليه مع اى حد تكلميه بعد كده وبعدين ابعتيلي صورتك........................... وان امكن ولو انتى وثقتى فيها توريها صورتك ده امر راجع لشخصيتك انتى وحاولي توعيها وتفهميها انها متثقش ف اى حد بسهوله الا لما تعرفه الاول كويس وقوليلها متزعلش منك وان ده لانك خايفه عليها ولو هى فعلا بتحبك هتسمع كلامك وتفهمه وان ده كله عشان مصلحتها...................واحتمال ان هى قالتلك ابعتلك صورتى وقالت تشوفى مميزاتى وعيوبي ده ممكن يكون ان هى مثلا مش حبه شكلها كوجه بنت ففهميها ان ربنا خلقك كده وانك لازم تحبي كده وقوليلها يا حبيبتى تسمع حلقة استاذ مصطفي حسنى ف برنامج عمار الارض الحلقه الرابع ويا ريت انتى كمان تسمعيا يا حبيبتى ...........وع فكرة دى حاجه جميله جدا ان يكون ليكى اصحاب من ع النت ما دام مفيش اى حاجه غلط والثقه ما بينكم متبادله ومش بتعملوا او تقولوا حاجه تغضب ربنا .........انا ان كان عليا اعرف من ع المنتدى وبتكلم ف المةبايل كمان ما دام الثقه متبادله.............معلشي طولت عليكى ......ومتقلقيش ان شاء الله خير ادعى ربك في الصلاه وان شاء الله ربنا يستجاب لدعائك.............قولوا يا بنات اميييييييييييييييييييييييييييييييييييين