بسم الله الرحمن الرحيم
السلام عليكم ورحمه الله وبركاته
اذيكم يابنات عاملين ايه؟
انا كنت عايزه افضفض معاكو......... انا بجد مخنوقه اوي وحاسه اني قلبي واجعني
انا عندي واحده صحبتي عرفتها في منتدي لما غبت فتره ورجعت لقتها مبهدله الدنيا وكانت خايفه عليه اوي
ورغم اني غبت فتره طويله حوال 4 اشهر لكن لما رجعت لقتها بعتالي اخر رساله من اسبوعين رغم الفتره دي كلها عندها امل اني هاجي وجيت وحسيت بكل واحده اد ايه هي مشتقالي
المشكله اني حبتها اوي ومش بس حبتها انا بقيت مجنونه بيها رغم فرق السن هي اصغر مني 8 سنين
من كام يوم طلبت مني طلب ماكنتش اتوقعه طلبت انها تبعتلي صورتها وانا اقولها مميزاتها وعيوبها!!!!!!!!
انا استغربت هي عمرها ماشفتني ولا تعرفني ولا حتي سمعت صوتي اذاي واثقه فيه كل الثقه دي؟
انا بجد صريحه معاها ويعلم ربنا اني بحبها بجد واكتر من اي صديقه اعرفها من زمان
المهم انا رفضت وقلتلها انتي اذاي تثقي في اي حد كده انتي ممكن تجيبي لنفسك مشاكل وانتي لسه صغيره اسمعي كلامي
انا بجد خايفه عليكي وخلاص قالتلي لا انا خلاص بجد مش هبعتها ده علي سبيل انها كانت بتهزر
والنهارده طلبت مني نفس الطلب
وبصراحه قولتلها انتي ليه مصره والكلام اللي قولته اللي فات
بس هي زعلت مني وانا اكتر حاجه توجعني لما حد احبه اوي يزعل مني
المشكله اني خايفه عليها مش من نفسي لا خايفه عليها بعد كده ممكن تعرف حد ويضحك عليها وسمعنا حكيات من دي كتير
وبصراحه خايفه ماتطلعش بنت............... انا مش قدره اتخيل ....... انا بجد هتحصلي حاجه انا بجد تعبانه اوي وحاسه اني من غيرها ولا حاجه انا بحبها اوي
ارجوكم قولولي اعمل ايه انا منهاره حاسه بقلبي واجعني بجد
هو انا مجنونه؟ اني حبيت صحبتي الحب ده كله واني خايفه عليه..........
بنات بجد محتاجلها اوي دي بنسبالي حياتي
اعمل ايه قولولي اتصرف معاها اذاي هوانا غلطت لما ما رضتش؟
ارجوكو هتجنن حد يجاوبني

لا والله ما اغلطتي يختي الكل يزعل ولا يزعل منا ربنا
انت تقربي من ربنا كتير وحاولى ما تكملميها طتير وما تعطيها اسرارك
انت عارفة يختي الاخطاء الى بتيجي ورا حاجات زي دي
ربنا يحفظك ويحفظنا

ربنا يفرج همك وغمك ويرضى عنك ياااااااااارب

لكن يااختى انت اتأكدى منها هى ليه عاوزه تعرف السيئات والحسنات من خلال صورتها؟

احنا مش بنقيم الانسان من خلال شكله .. لااااااا الاخلاقيات والقيم والمبادئ هى اللى بتقيم

مش عارفة بس انا لوكنت فى محلك راح اقطع الشك باليقين راح اتواصل معها مباشر عشان

اكشف حقيقتها لأن بالشكل ده فى احتمال كبير ان راح يتولدالشك عندك .

حاولى بطرق ذكية تكشفى شخصيتها . هذا راى وخبرينا شنوحصل معك عشان نستفيد منك ياقمر
صديقة لى اضافتنى على الاسكايب انا اسمى مميز على الاسكايب وعرفت مؤخرا انه بيلفت

انظارالكثير .. المهم اضافتنى وهى كاتبه للاناث فقط ممنوع اضافة الرجال .. ومن بلد معين

عربى اسلامى وانا لياااا صديقات ممتازات من هذا البلد .. طبعا قبلت اضافتها وبعد تعارفنا

طلبت منى اننا نتبادل الصور طبعا قلت لها انا ماعندى صورتذكارية حتى ابعثها لك .. قررت

تكلمنى فيديو عشان نشوف بعض .. طبعا انا اعتذرت منها وانا كنت عطلت الفيديو من وقت

طويل .. المهم استمرينا نكلم بعض وعشان اكشف شخصيتها اكثر طلبت منها تسجل فى

جامعة عالمية شرعية على النت انا ادرس فيها الان فسجلت على طول وطلبت مساعدتى

فى ملأ الاستمارة وغيرذلك ..... المهم وجدت انها طيبة جدا وهى بنت مش شاب بس مشكلتها

الثقة الزائدة وحتى الان ماكلمتها فى هذه النقطة لكن ان شاء الله اكلمها وافهمها الواقع الان

الناس كلها مش زى بعض. وهى اصغر منى بمراحل (5 ونصف سنين تقريبا).

اسفة على الاطالة ...

انتى مش غلطانه انتى كده اتصرفتى صح وهو ده ال مفروض يتعمل
ربنا معاكى ويهديكى ويهدينا يارب العالمين

انا من راي الاخوات
انك اتصرفت صح
فمثلا انا ليا صديقات غاليات عالانثرنيت لكن ولا مرة تبادلنا صور
مثلا اخواتي وحبيباتي في هذا المنتدى وليا فيه بالخصوص صديقات غايات على قلبي وبحبهم كثير واتشرف بمعرفتهم لكن ولامرة طلبنا من بعض تبادل صور
الحب في الله حب لايستحق صور ولا اي شيئ آخر لانه صادق رغم كل شيئ
وربنا يوفقك اختي وينورلك دربك ويسدد خطاك

بصى حبيبتى انا مع رأى اخواتى حبايبى فى كلامهم

وبعدين هى ممكن تكون بتعمل كده علشان لسه صغيره

ومش ناضجه اوى وانتى عرفيها انك خايفه عليها مش اكتر

وربنا يسترك ويستر بنات المسلمين جميعا