بسم الله الرحمن الرحيم

السلام عليكم ورحمة الله وبركاته..


كيــف حاكم
أيام و تنطوي صفحة من الزمان
و يبدأ رمضان
كل عام و أنتِ بخير
اللهم بلغنا اياه وأعنا فيه على الصيام والقيام وقراءة القرآن...
نقره لعرض الصورة في صفحة مستقلة
دردشة رمضانية وأنتم ضيوفها..

أهلاً وسهلاً



1..عرفنا عن نفسك...؟؟

2..أول مرة صمت في رمضان كم كان عمرك..؟؟وهل أفطرت خفيــة؟؟

3..لماذا بعض الناس يجمع على ان رمضان قديما كان الاجمل..؟؟

4..قدر استطاعتك ضعي لنا برنامجك في رمضان..؟؟

5..ماالذي فقدته في رمضــ’،ـآن..؟؟

6..أكلتك المفضـــلة "في رمضــآن..؟؟

7..اذا سمحت لك الفرصــة دعوة احد على الفطور او السحور من الاعضاء
فمن ستختــآر..؟؟


8..اختار ولآ تحْتَــآر..

السهر أم النوم باكــراُ..؟

التلفزيــون او الانترنت..؟

الاجتماع مع الاهل والاصحـ’ـآب..او البقاء لوحدك..؟

السمبوسـ’ـة او الشوربة..

9..أجمل رسالة وصـلتكـ للتهنئة في رمضان كـآنت من مَنْ..؟؟
وهل ترى انها كافية للتهنئة بقدوم شهر رمضان..؟؟

10..رمضــآن شهر العبـآدة ...وللأسف تتسأبق الفضائيات لجذب المشاهدين
فهل نجحــت الفضائيات لجذبك لهـا..


11.. كم مرة تفكر بختم القرآن الكريم..؟



12..قبل عشر سنوات مضت كنا نصوم في رمضان ونحن في صفوف الدراسة....

أما الآن وفي عشرسنوات قادمة تقريبا
بإذن الله نصوم رمضان بعيدا عن الدراسة

ما الفرق وهل الصيام في الدراسة يساعد اكثر على الدراسة أم في الاجازة أكـــثر..؟؟؟


14..المســآحة الأخيــــرة لكـ ما تقول عن هذا الشهر العظــيم..؟؟؟

السلام عليكم
رمضان كريم لكل الأحبة ينعاد عليكم بالصحة والهناء وكل خير ان شاء الله.
رمضان يبقى شهر التوبة والغفران مهما تبدل الزمان والمكان.

زهرة النيل كتب:

نبع الوفاء كتب:

بسم الله الرحمن الرحيم

السلام عليكم ورحمة الله وبركاته..





1..عرفنا عن نفسك...؟؟

واحده مسلمه ومفنخره بدينها

2..أول مرة صمت في رمضان كم كان عمرك..؟؟وهل أفطرت خفيــة؟؟

كنت تقريبا فى خمسه ابتدائى . لالا بس لما كنت صغيره وافطر كنت اقول لماما لازم
3..لماذا بعض الناس يجمع على ان رمضان قديما كان الاجمل..؟؟

انا برضه حاسه بكده يمكن لان الناس اتغيرت مابقاش فى المحبه اللى كانت زمان بس المشكله مش فى الزمن المشكله فينا احنا نعيب الزمان والعيب فينا
4..قدر استطاعتك ضعي لنا برنامجك في رمضان..؟؟
اكيد يبقى الصوم والصلاه وقراءه القران واكيد تكثيف الدعوات فى الشهر المبارك
5..ماالذي فقدته في رمضــ’،ـآن..؟؟
زى ماقولت فوق جو المحبه كده مابقاش موجود بكثره زى زمان
6..أكلتك المفضـــلة "في رمضــآن..؟؟
القطايف بحبها اوى
7..اذا سمحت لك الفرصــة دعوة احد على الفطور او السحور من الاعضاء
فمن ستختــآر..؟؟
يااااااااااه اكيد المنتدى كله والله ده يبقى احلى فطور

8..اختار ولآ تحْتَــآر..
لا والله مش مساله حيره كل اللى فى المنتدى حبايبى
السهر أم النوم باكــراُ..؟
هو المفروض الصحى يعنى النوم بدرى بس انا بحب السهر
التلفزيــون او الانترنت..؟
النت افضل
الاجتماع مع الاهل والاصحـ’ـآب..او البقاء لوحدك..؟
اكيد الاجتماع مع الاهل والاصحاب بس احيانا لما الواحد يبقى مخنوق يفضل يبقى الواحد عشان انا بيبان عليا اوى
السمبوسـ’ـة او الشوربة..
السمبوسه اكييييييييد
9..أجمل رسالة وصـلتكـ للتهنئة في رمضان كـآنت من مَنْ..؟؟
من اعز صاحبه
وهل ترى انها كافية للتهنئة بقدوم شهر رمضان..؟؟
اهو احسن من بلاش
10..رمضــآن شهر العبـآدة ...وللأسف تتسأبق الفضائيات لجذب المشاهدين
فهل نجحــت الفضائيات لجذبك لهـا..
يمكن زمان لكن دلوقتى لا


11.. كم مرة تفكر بختم القرآن الكريم..؟

ياريت اكتر من مرتين فى رمضان ربنا يقدرنا

12..قبل عشر سنوات مضت كنا نصوم في رمضان ونحن في صفوف الدراسة....

أما الآن وفي عشرسنوات قادمة تقريبا
بإذن الله نصوم رمضان بعيدا عن الدراسة

ما الفرق وهل الصيام في الدراسة يساعد اكثر على الدراسة أم في الاجازة أكـــثر..؟؟؟

مش فارقه والله دا حتى الصيام صحى


14..المســآحة الأخيــــرة لكـ ما تقول عن هذا الشهر العظــيم..؟؟؟
[color=red]
شهر مبارك وعظيم والناس فيها بتبقى فيها روح التسامح والرضا كل عام وانتم بخيرred]
موضوع بجد روووووووووووووعه يانبع زيك ووحشتينا اووووووووووووووى ياجميل كل عام وانتى بخير

بارك الله فيكي على ردك الجميييييييييييييييل جدا وكل عام وانتي بخير يازهرة عليكي وعلى العئلة

اميرة20 كتب:

السلام عليكم
رمضان كريم لكل الأحبة ينعاد عليكم بالصحة والهناء وكل خير ان شاء الله.
رمضان يبقى شهر التوبة والغفران مهما تبدل الزمان والمكان.

يسلمو على الرد اميرة وان شاء الله ينعاد علينا وعليكي بالصحة والهناء

1..عرفنا عن نفسك...؟؟

** انسانه مقصره فى حق ربها
---------------------------------------------------------------------------------
2..أول مرة صمت في رمضان كم كان عمرك..؟؟وهل أفطرت خفيــة؟؟

** والله مافاكره يانبع اول مره كانت امتى .. وعمرى مافطرت فى السر كده
---------------------------------------------------------------------------------
3..لماذا بعض الناس يجمع على ان رمضان قديما كان الاجمل..؟؟

** انا فعلا مش بقيت احس بيه اوى زى الاول لان زمان ليه فرحه وبهجه كده والناس كلها تهنى بعضها وتستعد ليه وعزومات الاهل واحساس رائع بيملا القلب .. اما دلوقتى رمضان بقا شهر البرامج والمسلسلات والخروجات والسهر فى الكافيهات والخيم الرمضانيه لاوقات متأخره بالليل والسحور خارج البيت مش مع الاهل .. يعنى الناس دى بدل ماتسهر تدعى وتقيم الليل وتقرأقران وتستغفر ربنا لحد الفجر ، لأ يروحوا يسمعوا مطربين فى الخيم الرمضانيه ....... ربنا يهدى المسلمين جميعا
----------------------------------------------------------------------------------
4..قدر استطاعتك ضعي لنا برنامجك في رمضان..؟؟

** انا كنت بصحى على أذان الظهر اصلى وأقرا قران ، وبعدين اشتغل مع ماما فى شغل البيت لحد العصر مثلا ونصلى ونقرأ قران ونبدأ فى تجهيز الفطار وكنا كتير بنخلص قبل المغرب بشويه .. نقعد فى الوقت ده نقرأ قران ونستغفر ربنا لحد مانسمع الاذان نفطر ونقوم نصلى وبعدين نقرأ القران ده شىء اساسى بعد كل صلاه ؛ ونقعد بقا مع بعض او نروح نزور الاهل كده يعنى .. وبعدين نصلى العشا والتراويح بس فى البيت وقراءة قران وانام شويه لحد مثلا الساعه 12 ؛ افضل بقا اصلى قيام وقراءة قران واستغفار واذكار ودعاء لحد السحور انا اللى كنت بحضره ونتسحر كلنا مع بعض ونصلى الفجر وننام وهكذا كل يوم
---------------------------------------------------------------------------------
5..ماالذي فقدته في رمضــ’،ـآن..؟؟

** فقدت ايمانيات رمضان لان رمضان اللى فات مش كنت ملتزمه اوى زى اللى قبله وعلى فكره اللى قبله كنت ملتزمه بسبب المنتدى ده لانى اتعلمت من اخواتى هنا كتير اوى اما اللى فات مش كنت موجوده فبصراحه حاجات تانيه شغلتنى شويه .. ربنا يسامحنى ويغفرلى ورمضان ده يكون اجمل باذن الله
----------------------------------------------------------------------------------
6..أكلتك المفضـــلة "في رمضــآن..؟؟

** والله الاكل كله جميل بس بحب اول يوم نعمل مكرونه بشاميل وجلاش باللحمه المفرومه
----------------------------------------------------------------------------------
7..اذا سمحت لك الفرصــة دعوة احد على الفطور او السحور من الاعضاء
فمن ستختــآر..؟؟

** عضو واحد بس؟؟؟ لا انا هعزم المنتدى كله علشان كلكوا حبايبى ونفسى اشوفكم
----------------------------------------------------------------------------------
8..اختار ولآ تحْتَــآر..

السهر أم النوم باكــراُ..؟

*** بحب السهر اوى

التلفزيــون او الانترنت..؟

*** النت احسن لان التلفزيون مش فيه حاجه كويسه باستثناء شيوخنا الافاضل

الاجتماع مع الاهل والاصحـ’ـآب..او البقاء لوحدك..؟

*** طبعا الاجتماع مع الاهل والاصحاب

السمبوسـ’ـة او الشوربة..

*** السمبوسه
----------------------------------------------------------------------------------
9..أجمل رسالة وصـلتكـ للتهنئة في رمضان كـآنت من مَنْ..؟؟
وهل ترى انها كافية للتهنئة بقدوم شهر رمضان..؟؟

** من خطيبى وكان اول رمضان لينا مع بعض .. اه طبعا كفايه انها منه ربنا يحفظه ويهديه ويباركلى فيه
---------------------------------------------------------------------------------
10..رمضــآن شهر العبـآدة ...وللأسف تتسأبق الفضائيات لجذب المشاهدين
فهل نجحــت الفضائيات لجذبك لهـا..

**بصراحه السنه اللى فاتت نجحت الى حد ما ربنا يسامحنى بقا .. اما السنه دى باذن الله مش هتقدر ابدااااااااااااااااااااااااااااااااا
--------------------------------------------------------------------------------
11.. كم مرة تفكر بختم القرآن الكريم..؟

** مره واحده ونفسى ازودها ربنا يقدرنى ويبقوا مرتين السنه دى .. ادعيلى
-------------------------------------------------------------------------------
12..قبل عشر سنوات مضت كنا نصوم في رمضان ونحن في صفوف الدراسة....
أما الآن وفي عشرسنوات قادمة تقريبا
بإذن الله نصوم رمضان بعيدا عن الدراسة
ما الفرق وهل الصيام في الدراسة يساعد اكثر على الدراسة أم في الاجازة أكـــثر..؟؟؟

**انا بالنسبه ليا لما خلصت دراسه حسيت برمضان اكتر ولقيته اجمل لانى متفرغه للعباده اما فى الدراسه كنت بروح المدرسه او الكليه واقابل اصحابى وطبعا القعده ماتخلاش من النم والكلام على اللى رايح واللى جاى ونرجع تعبانين من المواصلات ونقضى باقى اليوم نوم ايام ربنا مايعودها ويسامحنا عليها
--------------------------------------------------------------------------------
14..المســآحة الأخيــــرة لكـ ما تقول عن هذا الشهر العظــيم..؟؟؟

** طبعا من افضل شهور السنه كلها ويكفى ان ربنا ذكره فى القران وعظم اجره .. يارب يكون شهر مبارك على بلدنا الغاليه ويحميها من كل شر وشهر مبارك على كل البلاد العربيه الاسلاميه وكل المسلمين فى جميع انحاء العالم .. وشهر مبارك عليكى ياقمر وعلى اسرتك واحبابك وبلدك وربنا يتقبله منا قبولا حسنا ويعيننا على صيامه وقيامه وختم قرانه ؛ امييييين